Жинлар кириши ҳақида

СаволларМавзу: ТабобатЖинлар кириши ҳақида
Мухайё сўради 3 ой аввал

Ассалому алайкум! Саволим ноўрин бўлса олдиндан узр сўрайман. Мени акам руҳий хаста. Уни олиб бормаган доктор, кўрсатмаган қасидахон ва домлалар қолмади. Ҳисоб ахволи бироз яхшилангандек бўлади, лекин яна ўша эски ҳолатга қайтади. Яқинда онамлар Қува йўлига кетишда бир аёл борлигини ва ўша аёл руҳий ҳаста беморларни даволашини ва акамни ҳам ўша аёлга олиб бормоқчи эканини айтдилар. Чиқмаган жондан умид деб акамни ўша аёлга олиб бордик. Ҳақиқатда ўша аёл Қуръон сураларидан ўқиб даволар экан ва бир куни ўша аёл онамларга битта солиқ қўй олиб келишини ва акамни ичига кириб олган қандайдир жинни ўша қўйга ўтказиб беришини айтган. Мени назаримда у аёл алдаётгандек. Саволим шундан иборатки инсон ичига росданам жинлар кириб олиши ва у жинни биронта ҳайвонга ўтказиб юбориш бор ҳақиқатми? Илтмос менга жавобини айтсангизлар. Жавоб учун олдиндан раҳмат.

1 жавоб
"Зикр аҳлидан сўранг" ҳайъати Маъмурият жавоб берди 3 ой аввал

Ва алайкум ассалом!

У аёлнинг гаплари сафсатадан бошқа нарса эмас. Ундайларнинг олдига бориш ҳам гуноҳ. Ундай фирибгарлар Қуръонни ўзига ниқоб қилиб олишади, ўзлари эса Қуръон оятларига мутлақо зид иш тутишади. Уларни Қуръондан баъзи оятларни ўқишларига алданиб қолмаслик керак. Улар каби инсонларни ажратиш учун Устозимиз Шайх Муҳаммад Содиқ Муҳаммад Юсуф раҳимаҳуллоҳ ҳазратларининг “Фолбинлик, сеҳргарлик, жин чиқариш ва ноанъанавий даволаш каби ишларининг ҳақиқати” номли китобларини олиб ўқинг. Валлоҳу аълам!