Е1518 моддаси ҳақида

СаволларМавзу: Ҳалол ва ҲаромЕ1518 моддаси ҳақида
otabek сўради 6 кун аввал

Ассалому алайкум! Биз қандолатчилик билан шуғулланамиз. Биз ишлатадиган ҳид таратувчи эсенциямиз таркибида Е1518 бор экан. Шу модда ҳаромлиги ҳақида баъзилар бизни шубҳалантириб қўйишди. Бу ҳақида қидирмаган жойимиз қолмади. Охири сизларни безовта қилишга мажбур бўлдик. Агар шу ҳақида маълумот бўлса улашсангиз. Олдиндан раҳмат.

1 жавоб
"Зикр аҳлидан сўранг" ҳайъати Маъмурият жавоб берди 6 кун аввал

Ва алайкум ассалом!

Уни ҳаромлиги ҳақида қатъий далил йўқ. Шариатимизда икки нарса асосий қоида қилиб олинган.
Биринчиси: Асли ҳаром бўлган нарсанинг шаръий йўл билан ҳалол қилингани собит бўлмагунича у ҳаромлигича қолади.  Масалан, гўшти ейиладиган ҳайвонлар шариатга мувофиқ сўйилмаса, уларнинг қони чиқиб кетмагани ва Аллоҳнинг исмларидан бирортаси зикр қилинмагани учун гўшти ҳаромлигича қолади. Тасмия айтиб сўйилгани аниқ бўлгачгина ҳалол деб ҳукм қилинади.
Иккинчиси: Асли ҳалол бўлган нарсаларнинг бирор йўл билан ҳаром қилингани собит бўлмаса, улар ҳалоллигича қолади. Валлоҳу аълам!