Янги китоблар ва қайта нашр қилинаётган китобларнинг чиқиши

Алҳамдулиллаҳ, яқин йиллардан бери сотувга чиққан ҳар бир китобингизни имкон қадар харид қилиб келиш билан бирга уларни бир бошдан ўқиб ҳам келмоқдаман. Китобларингизнинг нархи жуда ҳам арзон, алҳамдулиллаҳ. Янги китобларингиз чиқса ёки эски китоблар қайта нашр этилса хурсанд бўламиз албатта. Лекин харид қила олмасам хафа бўламан. Бироз ғалатироқ илтимосим бор эди, аввалдан узр. Сўнгги вақтларда "Иймон", "Зикр аҳлидан сўранг-4", "Мазҳаб - бирлик рамзи", "Расулуллоҳ солаллоҳу алайҳи васаллам" номли китобларингиз сотувга чиқди, албатта бундан хурсандман. Баъзисини харид қилдим, алҳамдуллилаҳ, аммо қўл калталик қилиб, ҳаммасини олишга бироз қийналиб турибман. Шунинг учун илтимосим шуки, янги китоблар ва эски китобларнинг қайта нашр этилишида орасида бироз вақт ташлаб нашр қилинса, агар маъқул бўлса. Биз каби кишиларга харид қилишга қулай бўларди иншааллоҳ. Аллоҳ сиздан рози бўлсин, китобларингиз то қиёмат қадар умматга манфаатли хизмат қилсин!