Шундай дуо қилса бўладими?
07:17 / 22.04.2015 | ильяс элибоев | 2641
Ассаламу алайкум! “Сизни Аллоҳ раҳмат қилсин” деб тирик одамни дуо қилса бўладими? Ёки буни фақат ўлган одамларга айтиладими?
«Зикр аҳлидан сўранг» ҳайъати:
Ва алайкум ассалом! Аллоҳ таоло “Исро” сураси 24-оятида: “Икковларига меҳрибонлик ила хокисорлик қанотингни пастлат ва: «Роббим, алар мени кичикликда тарбия қилганларидек, уларга раҳм қилгин», – деб айт.”(Тафсири Ҳилол) деб ота-оналар ҳаққига дуо қилишни таъкидлаган. Бу уларнинг ўтганлари ва тирикларини ўз ичига олади. Валлоҳу аълам.
