Қарғиш ҳақида
Ассалому алайкум! Ноўрин қарғаш гуноҳми? Одамларда “қарғишнинг икки учи бор, бири сен қарғаган одамга иккинчиси ўзинга тегади” деган гаплар кўп айтилади. Шу гап қанчалик рост? Қандай вазиятларда қарғаш мумкин? Қарғиш боби Шайх Ҳазратимизнинг қайси китобларида муфассал баён этилган? Олдиндан раҳмат.
Ва алайкум ассалом!
عن أبي ذرّ -رضي الله عنه- أنه سمع رسول الله -صلى الله عليه وسلم- يقول: (ليس مِنْ رجلٍ ادَّعى لغيرِ أبيه وهو يَعْلَمُه إلاَّ كَفَرَ، وَمَنِ ادَّعى ما ليس له؛ فليس منَّا، وليتبوأْ مَقْعَدَه مِنَ النَّارِ، ومَنْ دَعَا رَجُلاً بالكفرِ أو قال: عدوَّ الله، وليس كذلك؛ إلا حَارَ عليه)".
Абу Зарр розияллоҳу анҳудан ривоят қилинади. У Расулуллоҳ соллаллоҳу алайҳи васалламнинг : “Ким била туриб ўз отасидан бошқасини отам деб даъво қилса, кофир(неъматга кофир) бўлибди. Ким ўзиники бўлмаган нарсани даъво қилса, у биздан эмас ва жойини дўзахдан тайёрлайверсин. Ким бирор кишини кофир, ёки Аллоҳнинг душмани деса-ю, у ундай бўлмаса, гапи ўзига қайтади” деяётганини эшитди. Шунинг учун ўринли бўлсада қарғашдан сақланиш керак. Валлоҳу аълам.
