Аза бўлган уйда таом пишириш

Бу гап нотўғри. Одатда мусибат бўлган хонадон эгалари таом пишириб ейиш ҳам кўнгилларига сиғмайди. Шундай ўринларда қўни-қўшнилар уларга таом чиқаришлари суннатдир.

Мусибатзадаларга қариндош-уруғлари, яқинлари ва қўни-қўшнилари таом тайёрлаб чиқариб туришлари суннат билан ўз аксини топган ишлардандир. Чунки мусибат билан бўлиб улар ўзларига унча қарай олмайдилар.
Иккинчидан, бошқаларнинг эътибори, раҳм-шафқат кўрсатиши мусибат етган хонадон аҳлига тасалли беради, кўнгилларини кўтаради.
عَنْ عَبْدِ اللهِ بْنِ جَعْفَرَ قَالَ: لَمَّا جَاءَ نَعْيُ جَعْفَرَ قَالَ النَّبِيُّ: اصْنَعُوا لأَهْلِ جَعْفَرٍ طَعَامًا فَإِنَّهُ قَدْ جَاءَهُمْ مَا يَشْغَلُهُمْ. رَوَاهُ التِّرْمِذِيُّ وَأَبُو دَاوُدَ.
Абдуллоҳ ибн Жаъфар розияллоҳу анҳудан ривоят қилинади:
“Жаъфарнинг ўлими хабари келганда Пайғамбар соллаллоҳу алайҳи васаллам:
“Жаъфарнинг аҳлига таом қилиб беринглар. Уларни машғул қиладиган нарса келиб қолди”, дедилар”.
Термизий ва Абу Довуд ривоят қилишган.
Маййит аҳллари бошқаларга таом тайёрлаб зиёфат қилиб беришлари эса асли собит бўлмаган бидъат ва макруҳ ишлардандир. Қолаверса, бу амал уларни мусибатлари устига мусибат, ташвишларига ташвиш қўшади.