Иброҳим алайҳиссалом фарзандлари
17:20 / 24.08.2017 | Islom | 5232
Ассалому алайкум! Марям сураси 49-оятда “Бас, қачонки (Иброҳим) улардан ва Улар Аллоҳни қўйиб сиғинаётган бутлардан чeтлангач, Биз унга (фарзандлари) Исҳоқ ва Яқубни ҳадия этдик ва барчаларини пайғамбар қилдик” дейилган. Бунда айтилишича Иброҳим алайҳиссалом фарзанлари Исҳоқ ва Яқуб бўлган. “Ибраҳим” сурасининг 39-оятида “Кeксалик пайтимда мeнга Исмоил ва Исҳоқни ато қилган Аллоҳга ҳамд бўлсин” дейилган. Бунинг сабаби нима?
«Зикр аҳлидан сўранг» ҳайъати:
Ва алайкум ассалом! Иброҳим алайҳиссаломнинг икки фарзандлари бўлган, Исмоил ва Исҳоқ алайҳимассаломлар. Яъқуб алайҳиссалом неваралари яъни Исҳоқ алайҳиссаломнинг фарзандлари бўлган. Бобо набирасини ҳам ўғлим дейиши арабларнинг урфида ҳам бор. Валлоҳу аълам!
