Қандай муносабатда бўлсам тўғри бўлади?

Устоз, узр вақтингизни олаётганим учун! Бир қадрдон қўшним бор, дугона бўлиб кетганмиз, ўзлари намозхонлар. Узоқ йиллик қўшни бўлганимиз учун яқин бўлиб кетганмиз. Уйларига кириб чиққанимдан кейин, у киши тўсатдан "уйимга келганизда ичида пули бор сўмкачамга кўзиз тушмадими" деб телефон қилиб қолдилар. Мен "йўқ кўзим тушмади, қаерга қўйгандингиз?" деб сўраб турсам, ўша вақтнинг ўзида у кишининг уйдагилари "сўмкачани топилди" деб қолишди. У киши ҳижолат бўлиб қолдилар. Қайта қайта телефон қилиб узр сўрадилар. Мен ҳозирда ҳатто бировнинг уйига муралаш ҳам ўғирлик деб нафсимни тергаб турганимда бу оғир ботаркан. У кишига хафамасман дедиму, лекин бундан кейин қанақа муносабатда бўлишни билмай қолдим. У кишига нисбатан менда ишонч йўқолиб бораяпти. Одатда бўндай ҳолатларда ўзимизни қандай тутсак тўғри бўлади? Маслаҳат беринг Устоз, нима қилай?