Дўзахи

19:10 / 17.04.2018 | Baxodir | 1536

Ассалому алайкум! Хурматли устозлар, бир марўзада яхшилик зийнатли ишларни ўнг қўл билан қилишга тарғиб қилинган. Аксинча чап тарафдан нохуш нопок ишларга хос қилинган, ахли дўзахилар чап томон сохиблари дейилган экан, ман чапақайман лекин овқатни, ёзиш чизишларни ўнг қўлда қиламан. Юмушларни эса чап қўлим билан қиламан. Ман дўзахиманми?

«Зикр аҳлидан сўранг» ҳайъати:

Ваалайкум ассалом! Асло ундай хаёлга борманг. Инсоннинг яратилишида уни ҳеч қандай дахлдорлиги бўлмайди. Аллоҳ қандай хоҳласа шундай яратади. Аллоҳ яратган табиатни ҳеч ким ўзгартира олмайди ҳам. Расулуллоҳ соллаллоҳу алайҳи васаллам “Тоғ ўрнидан силжибди деса тасдиқ қилинглар, инсоннин табиати ўзгарибди деса тасдиқ қилманглар” деганлар. Кимдир жаҳли тез, кимдир бахл, кимдир сахий, кимдир ёлғонга мойил, кимдир шаҳвати ғолиб, кимнидир шаҳвати суст қилиб яратилинади. Буни ўзгартиришни асло иложи йўқ, инсон ўша табиатни поклашга, контрол қилишга бурилган ва ўша иши эвазига ажр олади. Ғазаби қаттиқ инсонларга Аллоҳ таоло ғазабларини ютишга буюрган. Эвазига эса бу ишлари уларни Аллоҳнинг энг суюкли бандаларидан бўлишига сабаб бўлишини баён қилган. Кимдир шаҳвати ғолиб қилиб яратилган. Инсон эса ўша шаҳватни ҳалол йўлдан қондиришга ва уни жиловлашга бурилган. Валлоҳу аълам!