Тақвим

22:02 / 10.10.2018 | Surayyo | 1967

Ассалому алайкум! Сизлардан ҳозирги кунда мени ўйлантираётган саволимга жавоб топиш ниятида ёзмоқдаман. Саволим шуки, ҳозирги кунда интернет тақвимлари чиққан, мен унга қараб намоз ўқиётгандим. Кечагина йиллик тақвимни сотиб олсам у ерда фарқлар борлигига гувоҳ бўлдим. Энди эса ўйланиб қолдим. Қайси бириси тўғри? Бир ойча интернет тақвимга қараб рўза ва намозларни ўқиб юрдим. Уларни қайтадан ўқиб, тутиб беришим керакми (қарз рўзаларни ҳам)?

«Зикр аҳлидан сўранг» ҳайъати:

– Ва алайкум ассалом! Ҳозирда қўшни мамлакатлар Қирғизистон, Қозоғистон ва Тожикистонлар уламолари шу тақвим устида иш олиб боришмоқда. Қатъий бир қарорга келингани йўқ. Шунинг учун интернетдаги тақвимларда бомдод вақти киришини 18 даражада деб ёзилганига амал қилиб тураверинг. Чунки Абу Райҳон Беруний раҳматуллоҳи алайҳ шу вақтда тонг вақти киради, деганлар. Ўтган рўза ва Ўзбекистон Диний идораси фатвоси билан дуруст. Валлоҳу аълам!