Савдодаги вакилга улуш ажратиш

Ассалому алайкум! Мен қурилиш ҳом-ашёларини россиядан импорт қилиб сотаман(асосан тахта). Бозорда бошқаларга қараганда бирмунча арзон сотганлигим сабабли баъзи қурилиш компания ёки уларнинг вакиллари менга 6 ойлик ёки 1йиллик таклиф билан келишади. У вакилларнинг таклифига кўра, улар менинг маҳсулотларимни қурилиш фирмаларига реклама қилишади ва манзилимни беришади. Мен таклиф этаётган нархлар ҳаридорларга ҳам ёқса 6 ой ёки 1йил йиллик шартнома тузамиз. Мени таклиф қилган ўртадаги киши учун шу муддат давомида ҳаридор ойма-ой қанча товар олса уларга ҳам ойма-ой кўрган фойдамдан улуш ажратаман. Ўртадаги кишининг улушини ҳаридорга сотадиган товарим устига қўймайман. Фақат ўз фойдамдан бераман. Баъзи ҳаридорлар бир неча йилдан бери мендан ойма-ой ҳом-ашё олишади. Уларни менга далолат қилган ўртадаги киши учун ҳам ўз фойдамдан ажратиб боравераман. Баъзи ҳамкасбларим бу ишингиз жоиз эмас, бир марта сизни далолат қилган кишига ойма-ой пул ажратманг, бир марта мукофот берсангиз етади дейишади. Мен ойма-ой бераётган пулимни ҳаридорнинг елкасига юкламаяпман, аксинча ўз фойдам улуш қилиб беряпман десам барибир нотўғри дейишди. Муҳтарам устозлар, шу ҳолатда ишлашим тўғрими? Ўзингиз айтгангиздек хизмат ҳақини мижознинг зиммасига юкламасангиз бўлди.