Ассалому алайкум ҳазрат."Руҳий тарбия"китобингиздаги "дуо ризога ҳилоф эмас" мавзусини о'қигандим. Шу сабабдан бир саволим бор эди." Абу ҳурайра р.а.дан: " Росулуллоҳ с.а.в.:" Ҳар кеча Роббимиз таборака ва таоло туннинг учдан бири қолганда дунё осмонига тушади ва: " ким менга дуо қилади мен унга ижобат қилсам, ким мендан со'райди мен унга ато қилсам , ким менга истиг'фор айтади , мен уни маг'фират қилсам" , дедилар". ( бешовлари ривоят қилишган).ушбу ҳадисда Росулуллоҳ с.а.в. Дуо қилувчи билан со'ровчининг, ижобат билан атонинг орасини фарқламоқдалар" дейилган экан . Ҳазрат ижобат билан атонинг орасини тушундим. Мен билмаган нарса , Дуо қилувчи билан со'ровчининг фарқи қандай бо'лади? Олдиндан раҳмат. Аллоҳим рози бо'лсин!
Шайх Муҳаммад Содиқ Муҳаммад Юсуф роҳимаҳуллоҳ:
- Ижобат дуонинг қабул бўлиши. Ато сўралган нарсанинг берилиши. Дуо қилувчи бутун вужуди билан Аллоҳга йўналиш. Сўровчи ўзига керак бўлиб турган нарсани берилишини истаб турган одам.