Аёллар масжидга бориши мумкинми
17:33 / 06.08.2019 | Ominaxon | 2667
Ассалому алайкум! Аёллар масжидга бориб намоз ўқиши мумкинми?
«Зикр аҳлидан сўранг» ҳайъати:
– Ва алайкум ассалом! Мумкин. Аёлларни масжиддан қайтарилганининг энг асосий сабаби, эркак-аёлни ўша ердан бошқа жойда кўришга имконияти йўқ эди ва бу фасодга сабаб бўлади деган хавф бор эди. Ҳозирги кунда эса эркагу аёл фаҳш иш қиладиган жойлари кўпайиб кетди. Қайтага масжид уларни фаҳш ишларидан тўсиб, таълим оладиган жойга айланди. Шунинг учун ҳозирги кунда уларни қайтармаслик керак. Чунки бу ҳолатга қаралиб чиқариладиган ҳукмдир. Валлоҳу аълам!
