Таҳдид ҳақида

– Ва алайкум ассалом! Фиқҳий китобларимизда “Икроҳ” яъни мажбурлаш деган боби бор. Унинг кўп даражалари ҳам бор. Таҳдиднинг ҳақли ўринлари ҳам бўлади. Масалан қарздор қодир бўлатуриб бермаса таҳдид услубини қўллаши мумкин. Расулуллоҳ соллаллоҳу алайҳи васалламнинг ҳадисларида:

وَلِلْبُخَارِيِّ وَأَحْمَدَ وَالنَّسَائِيِّ: لَيُّ الْوَاجِدِ يُحِلُّ وَعِرْضَهُ وَعُقُوبَتَهُ  

Бухорий, Аҳмад ва Насоий қилган ривоятда:
«Топганнинг бўйин товлаши унинг обрўсини (тўкишни) ва уқубатини ҳалол қилади», дейилган.
Аслида шариат бўйича бировнинг обрўсини тўкиш, азоблаш ҳаром. Аммо бировдан олган қарзини имкони бўлатуриб, бермай юрган одамнинг обрўсини тўкиш ҳам, азоблаш ҳам ҳалол бўлиб қолар экан.
Шунинг учун ҳукумат унинг гувоҳлигини қабул қилмаслик ҳақида қарор чиқаради. Мусулмончиликда бу иш энг катта обрўсизлик бўлиб, ундай одамни қамашга ҳам буюрилади. Бу ҳол ўзи учун ҳам, бошқалар учун ҳам эслатма, танбеҳ бўлади. Валлоҳу аълам!