Фарзанд асраб олишга доир мухим савол

Ассалому алейкум ҳурматли устоз. Аллоҳ Ислом йўлида қилаётган ҳизматлариздан Ўзи рози бўлсин! Сизга саволим қуйидагича: Мен ва аёлим бирор-бир фарзанд асраб олиш истагида юрибмиз. Ҳозирда бизга бир янги туғилган (қиз) чақалоқни таклиф қилишяпти. Лекин, фарзанд онаси асли никоҳсиз ёш қиз экан, болача эса зинодан бўлган. Ота-онаси тезроқ бу боладан "қутилиб", қизини бирор кишига турмушга бериб юбориш пайида. Энди шу болани қарамоғимизга олиб, асраб олсак Шариъатга хилоф бўлмасмикан? Мени қийнаган нуқтаси шуки, зино натижасини яширишга бўлган ҳаракатга биз ҳам сабабчи бўлиб қоляпмиз деган фикр тинч қўймаяпти мени. Жавобингиз учун одиндан раҳмат айтаман. Саволим такрор бўлса ёки унда хатолар бўлса узур сўрайман.