Қайта никоҳ қуриш
00:00 / 24.02.2013 | eski savollar | 2426
Ассалому алайкум. Ҳурматли устоз, сиздан маслаҳат олмоқчи эдик. Бундан 5 йил аввал бир дугонам эрининг давомли хиёнатига чидолмай эрини уйидан кетиб қолган. Бир йилгача эрини кутган, аммо эр на боладан на хотиндан хабар олган. Бир йил ўтиб дугонамни ўзи судга ариза бериб ажрашишган. Мана 5 йил ўтиб эри хатосини тушуниб етганини айтиб дугонам билан яна қайта турмуш қуришни илтимос қиляпти, шу ўтган йил давомида дугонам ҳам, эри ҳам бошқа билан турмуш қурмаган эди. Эри судда ажрим қоғозга имзо қўйгани билан талоқ сўзини ишлатмаган. Улар яна турмуш қуришса шариатимизга тўғри келадими? Жавобингиз учун рахмат.
Шайх Муҳаммад Содиқ Муҳаммад Юсуф роҳимаҳуллоҳ:
- Мазкур қўл қўйилган ҳужжатда ажралиш ҳақида гап бўлса, талоқ тушади. Қайта никоҳланишлари керак. Ораларида эрнинг уч эмас, икки талоқ ҳақи қолади.
