Ассалому алайкум! Турмуш қурганимга 3 ой бўлди. Биз эрим билан талабамиз ва асосий тушум қайнонамнинг бозордаги савдоларидан. Қайнонам савдоларида ёлғон ишлатиб туришларини билиб қолдим. У кишига насихат қилишга ботинолмайман, эрим хам баьзида шунака қилсалар керак билсалар хам индамаяптилар. Лекин еб ичишимиз харом бўлиб қолмаяптимикан деган қўрқув бор. Шариат бўйича қандай йўл тутишим тўғри бўлади?
– Ва алайкум ассалом! Эрингиз талаба бўлса ҳам ишлаб пул топишга ҳаракат қилсин. Еб-ичишларингизни ўзингиз қилишга урининглар. Қайнонангизга ёши каттароқ бирор қариндошлар насиҳат қилиб қўйсин. Валлоҳу аълам!