Косметика фирмасида иш

Менга бир иш таклиф қилишди. Ишлаш усули қуйидагича: Ҳар ойда маълум миқдорда нарса сотиб олиш керак. Катта суммага олиш шарт эмас, барибир ҳам ҳаётда ишлатиладиган совун, шампунь, сумка ва бошқа шу каби эҳтиёжим бор нарсаларни сотиб олишим мумкин. Бу маҳсулотлотларни каталогдан 18% арзонга сотиб оламан. Одий магазиндан олганимдан кўра шу менга арзонроқ ҳам тушяпти. Фақат шундай ишлаб юравериш мумкин. Лекин, агар кўпроқ фойда оламан десам, бошқаларни ҳам шу фирмага жалб қилиб, улар ҳам ўзларига нарса сотиб олишса, бу менга яна ҳам фойда бўлар экан. 18 фоиз эмас, яна ҳам арзон олар эканман. Бу янги аъзога йўл-йўриқ кўрсатиб унга ўргатиб бориш ҳам зиммамда бўлади. У қанчалик фаол бўлиб ўзига одам йиғса, менга ҳам фойда бўлар экан. Масалан, 18 фоиз эмас, кўпроқ арзонлаштириб олар эканман. Бу фирмада ишлаш мумкинми?