Жин кирган одамни Қуръон билан бошқа одам муолажа қилиш мумкин эмас дейилибди
00:00 / 21.08.2008 | eski savollar | 6304
Ассалому алайкум Шайх Хазратлари! Мен бир саволга берган жавобингизни тушунолмаганим сабабли аниқлаш мақсадида савол со'рамоқчиман. Жавобингиз о'та муҳим. Зикр аҳлидан со'раш бо'лимининг хар-хил саволлар бо'линмасида бир биродаримиз сиздан ушбу саволни со'раган эканлар: Иқтибос:Агар бир одамга жин кириб қолса ва унга бошқа бир одам қурон ўқиб жинини чиқарса шу исломда мумкинми? Саволга мумкин эмас деб жавоб берибсиз. Муслимаат.уз сайтида Сеҳр ҳақида китоб деган манбада жин кирган одамни муолиж қур'он оятлари билан (Руқия) муолажа қилади дейилган. Илтимос шу саволга аниқроқ жавоб берсангиз. Вассаламу алайкум...
Шайх Муҳаммад Содиқ Муҳаммад Юсуф роҳимаҳуллоҳ:
Бизда одамнинг ичига жин кириб олиши ҳақида нотўғри фикрлар борлиги учун унинг ўрнига жин тегиши деган истилоҳни ишлатган маъқул. Эски китобларимизда ҳам шундай қилинган. Жин теккан одамга шариатда рухсат берилган тарзда дам солишга рухсат бор. Шунинг учун мен бировнинг ичига жин кирди деган гапни гапирмайман.
