Ичадиган инсон билан бирга квартирада туриш
12:05 / 29.06.2022 | ravshanov | 693
Ассалому алайкум! Биз бир гуруҳ талабалар АҚШда бирга яшаймиз. Ичимизда баъзида уйга ичимлик олиб келиб истеъмол қиладигани ҳам бор. Нима қилсанг ҳам кўчада қил, уйга олиб келма дейилса ҳам фойдаси бўлмади. Қандай йўл тутишни маслаҳат берасиз?
«Зикр аҳлидан сўранг» ҳайъати:
– Ва алайкум ассалом! Сизлар бир-бирингизни яхшиликка буюриб, ёмонликдан қайтаришингиз лозим. Бу эса “нима қилсанг ҳам кўчада қил” дейиш билан бўлмайди. Бу гапни айтишдан эҳтиёт бўлиш керак. Барчангиз бир мажлисда йиғилиб исломни маҳкам тутишга аҳдлашиб олинглар. Ўзингизнинг тақвоингиз, ибодатингиз, хулқингиз билан ўша шерикларингизга ўрнак бўлинглар. Сизларни кўриб улар албатта бу ишларини тўхтатади. Валлоҳу аълам!
