Аллоҳга вада бериш
Ассалому алайкум! Мен ўқитувчиман икки йил аввал магистратурага ўқишга имтиҳон топшириб, натижасини кутаётганимда намозларимдан сўнг тинмасдан Аллоҳга ваъда берардим" Ё Роббим агар менга шу ўқишни насиб этсанг, сенинг йўлингда юрган талабаларга илм бераман деган аҳдим бор эди. Буни айтаётганимда Ислом акдемиясида ишлаш мақсадида эдим. Дарвозасидан ҳам ичкарига киргизилмадим. Ҳозирда Тошкент Молия Институтида ишлаяпман. Аллоҳга ваъдам ва ҳозирги иш хонам хаёлимда икки дунёдек фарқлидай. Ўранганман, баъзи таълим даргоҳларидан рад жавобини олганман. Ваъдамни бажараолмаяпман қандай йўл тутганим маъқул?
– Ва алайкум ассалом! Аллоҳ йўлида илм талаб қилиб ўқиётганлар ҳар ерда топилади. Ваъдангизнинг устидан чиқишингиз учун айнан ўша сиз кира олмаган жойда фаолият юритаётган бўлишингиз шарт эмас. Қаерда бўлса ҳам ихлосли толиби илмларни топиб илм берсангиз кифоя. Валлоҳу аълам!
