Қарз ҳақида

Аллоҳ умрингизни файзу барокотли қилсин. Сизга бир дўстимнинг номидан ёзмоқдаман, аниқрок баён қилиш учун. Мен 1.5 йилча олдин ошхонада ошпазлик қилардим у пайтлари намоз уўқимасдим, ишда савдо тугаб эртанги кунга загатовка қилиб қўямиз, унга кетадиган харажатни (пахта ёғи, зиравор, тамат) бозордан мен олиб кирардим, ҳар куни ёки 2 кунда бир 2 тамат 1 пахта ёғи ошиб қоларди, эртасига кассадан ҳар кунги пулни олиб, етадиган нарсани олиб кирардим, ошиғи ўзимга қоларди, буни бошлиқ билмас эди. Шу тариқа 6 ойча ишладим, бошлиқ билан алоқамиз яхши ҳозиргача, гуноҳ ишларимдан бехабар, ҳозир қаттиқ пушаймонман. Кўришиб қолсак яхши муомала қилади, мен юзига қарагани хижолат бўламан, уғирлик йўли билан топган пулларими қайтармоқчиман. Фақат бир муаммо тўсқинлик қилмоқда, пулни олиб бориб, шунақа бўлган деб айтсам назаридан қоламан, алоқамиз ҳам узилади, жаҳл устида дадамга айтиб қўйса мени кечирмайди деб иккиланяпман. Энди шу қарзларни бошқа биров орқалими ёки пулларни уйига ташлаб қуйсам бўладими, қарзларимга каффорат бўладими? Ахир бошлиғим уўғирликдан бехабарку, орадаги алоқани узмаслик учун шундай қилсам бўладими? Жавоб учун раҳмат.