Ўзбекистондаги хотини устига Россияда уйланиш

Россияда танишган, намозхон, кўпчилик ибодатдаги ҳамюртларимиз ҳурматини қозонган, таъбир жоиз бўлса, ибратли бир акамиз (ёши 47да) бор эди. Бир йил чамаси Ўзбекистонда бўлдим. Келиб акамизни бирданига 3 та рус аёлга уйланганини эшитдим. Бир чаласавод (хафа бўлса ҳам ҳақиқат) ҳамюртимиз никоҳ қилибди. Бориб, “Бир умрга қатъий ниятизга шубхам бор, агар гумоним ҳақ бўлса, зинодасиз! Аллоҳдан қўрқинг!” дедим. Яқинда кўришдик, “Биринчисининг жавобини бердим, иккинчиси Қозоғистондан келса уй қуриб беришга (аёлни пулига) ваъда бергандим, учинчиси 30 кун рўза тутди, яхши муслимага айлансачи... Нима қилишни билмай қолдим” деб маслаҳат сўради. Устозимдан сўраб бераман дедим. Устоз бунга ўхшаш ҳолатлар кўп, мусофир намозхон кишиларни уйланиб олиш ниятидагилари оз эмас. Илтимос устоз, барчамизга, хусусан 3 хотинлик боши қотган акамизга тўғри йўл кўрсатсангиз. Ҳикматли маслаҳатингизни орзиқиб кутамиз...