Онлайн Инвеститсия
Ассалому алайкум! Мен телеграмда ва вебсайтларда онлайн инвеститсия ҳақида кўриб қолдим. Яъни сиз унга пул киритасиз ва вақти-вақти билан керакли сумма ечиб олишиз мумкин экан. Уни ҳам турлари бор экан. Масалан онлайн ферма инвестментда товуқ сотиб олсангиз унинг кунлик тухумларини рублга алмаштириб ечиб олиш мумкин. Масалан 50рубл киритсам, товуқ ҳар куни 5-10 рублдан беради дегандек. Саволим шуки, бу онлайн инвеститсия ҳаромми?
– Ва алайкум ассалом! Ҳаром. Бу инвеститсия эмас. Биз буни молиявий пирамида деб билдик. Молиявий пирамидага пул тикиш ҳам фойда олиш ҳам ҳаром. Ферма бу кўзбўямачилик учун холос. Ҳозирги кунда аввалдан катта миқдорда депозит ёки инвеститсия талаб қилиб, сўнгра ўша пулини кунма-кун ёки ойма-ой бериб бориши ва охирида кўпайтириб қайтаришни ваъда қилаётган фирибгарлар кўпайиб кетди. Улар тақдим қилаётган бизнес режалар кўзбўямачилик учун бўлади холос. Аслида эса уларнинг мақсади ё молиявий пирамида тузиш ё инсонларни пулини олиб алдаб кетиш бўлади. Шундайлардан бўлиб қолманг. Валлоҳу аълам!
