Ким қабр устидаги шохни синдирса… (Ҳадис қудусий)
16:46 / 31.03.2014 | chashma1 | 2909
Ассалому алайкум, Ҳурматли Шайх Ҳазратлари! Ушбу Ҳадиси Қудсийни шарҳлаб берсангиз, Аллоҳ сиздан рози бўлсин. "Ким қабр устидаги шохни синдирса, Каъбам эшигини қўли билан бузгандек бўлибди". Бизнинг қишлоқда баҳорда, кузда ҳашарлар қилишиб қабр устиларидаги ўт-ўланлар юлиниб, қабрлар оқланар эди. Бу ҳадисда айтилишича қабр устидаги шохни узиб бўлмайди. Бизда қилинадиган бундай ишлар нотўғрими (қабрларни устини ўриб, оқлаб қўйиш)?
Шайх Муҳаммад Содиқ Муҳаммад Юсуф роҳимаҳуллоҳ:
- Бундай ҳадиси қудусий йўқ. Қабр устидаги ўсимликларга қуригунича тегилмайди. Уларнинг тасбиҳидан қабр соҳиблари фойда оладилар. Қуригандан кейин олиб ташланади.
