Укага муносабат
19:15 / 26.07.2023 | Yulduz | 343
Ассалому алайкум! Ука ишламаса, оиласини боқмаса, ҳар доим қарз бўлса. Йиллар давомида қарзлари тўланса ҳам, яна қарз бўлаверса, бундай укага қандай муносабатда бўлиш керак? Ота онани хабари бор, уларни ҳам гапини олмайди.
«Зикр аҳлидан сўранг» ҳайъати:
– Ва алайкум ассалом! Дангасалиги ёки исрофгарчилиги туфайли шундай ҳолатга тушаётган бўлса унга нисбатан ёрдам ундаги иллатларни йўқотиш билан бўлади. Оила аъзолари, қариндошлар биргаликда укага панд-насиҳат қилишлари, хатоларини кўрсатиб танбеҳ беришлари керак. Қарзларини тўлаб бериш боқимандаликка ўргатиб қўяётган бўлса тўламаслик керак. Валлоҳу аълам!
