Талоқ ҳақида ёмон ҳаёллар
22:21 / 04.08.2023 | احمد | 410
Ассалому алайкум! Ман яқин орада уйланаман, ин шаа Аллаҳ. Талоқ ҳақида ўқисам, ҳаёлимга шу талоқ сўзи ўрнашиб қолмоқда. Ҳаёлимга хотиним ундоқ қилса талоқ қиламан бундоқ қилса қиламан деган васвас ҳаёллар келса "астаğфируллаҳ, ман унақа димиман, қимиман" деб ҳаёлимни жойига қўйишга ҳаракат қиламан. Илтимос, маслаҳат беринглар ва насиҳат қилинглар манга.
«Зикр аҳлидан сўранг» ҳайъати:
– Ва алайкум ассалом! Бу ҳақида камроқ ўйланинг. Шунақа хаёл келганида кўпроқ “Аъуузу биллаҳи”ни тўлиқ айтинг ва қуйидаги дуони доим ўқиб юринг.
اللهــــم اجعل وساوس قلبــــي خشيتك وذكرك ...واجعل همتــــي و هواي فيما تحب و ترضى
Аллоҳуммажъал васаависа қолбии хошятака ва зикрок важъал ҳимматии ва ҳаваая фии маа туҳиббу ва тардоо. Валлоҳу аълам!
