Туҳмат йўли билан қарз юклаб қўйиш
Ассалому алайкум! Мен ўткан йили университет кутубхонасида китоб олгандим, 1 семестрга фойдаланишга (у китоб кўп қисмлик) 1-қисмини топширмасдан 2-қисмини олдим ва бир оз муддатдан кейин 1-қисмини топширдим. Ўткан йили 2-семестр тугаб ёзда 2-қисмини ҳам топширдим. Лекин бу йил (янги ўқув йили) 3-қисмини олиш учун борсам, 1-қисм билан 2-қисмни вароқлари(китобни ичида студент олганлик ҳақида ёзиб қўйиладиган вароқча) алмашиб кетиб 1-қисмни топширмагансан деди, бўйнингга қарз бўлиб қолади деди, лекин мен топширганман. Улар (кутубхона ҳодимлари) тан олишмаябти. Саволим шуки, туҳмат билан Бўйнимга илинган қарз учун ҳам қиёматда жавоб бераманми?
– Ва алайкум ассалом! Сиз масъул ходимга китобни тегишли тартибда, қонун-қоидаларга мувофиқ равишда (яъни керакли жойларга қўл қўйиб, бус-бутун шаклда) топширган бўлсангиз зиммангизда қарз бўлиб қолмайди. Агар қоидаларни бузиб китобни кутубхонага ташлаб кетган бўлсангиз омонатни ўз эгасига топширмаган бўлиб зиммангизда қарз бўлиб қолади. Валлоҳу аълам!
