Ушбу ишим бидъатми?

Ассалому алайкум, ҳурматли Шайх Ҳазратлари! Устоз мен ҳозирги кунда БАА нинг Дубаи шаҳридаман. Мен намозларни доим жамоат билан ўқишга ҳаракат қиламан ва ўзимизда одат бўлган одат, яъни суннат, фарз, нафл намозлар ва дуолардан сўнг омин деб юзимга қўлимни сураман. Бир масжидда шундоқ қилган эдим, масжиднинг имоми мени чақириб бу ишим бидъат эканлигини айтди ва бу иш суннатда йўқ деди. Бундай қилиш фақат махсус дуолардан сўнггина тўғри бўлади деди. Бу киши имом бўлишлари билан бирга шу ердаги ислом университетида дарс ҳам берадилар. Устоз мана шу ишим ростдан бидъатми ёки бу ерда шундоқ деб қабул қилинганми?