Фарзанд қандай йўл тутиши керак
15:35 / 14.12.2023 | Фозилжон | 295
Ассалому алайкум! Менинг отам юк машинаси хайдовчиси бўлиб ишлайди. Менинг ёшим 21да мен отамнинг харом пул топишини кўп гувохи бўлганман отам бази базида ишхонада ўғирлик қилиб туради. Бундай вазиятда мен фарзанд бўлиб қандай йўл тутишим керак?
«Зикр аҳлидан сўранг» ҳайъати:
– Ва алайкум ассалом! Бу ишнинг ҳаром эканини хушмуомалалик билан бир маротаба айтиб эслатиш керак. Буни қабул қилса ва ўзини ўнглаб олса жуда яхши. Агар қабул қилмаса қайта бу мавзуда сўз очмай, унга гапи ўтадиган кишиларни ишга солиш, ўғирликни олдини олиш чораларини кўриш керак. Ўзганинг ҳаққи поймол бўлаётганини кўра-била туриб бирор чора кўрмаслик хатодир. Валлоҳу аълам!
