Ассалому алайкум! Излаш хизматидан айнан шу жумлага доирини топа олмадим узр. Савол: гўшт ва гўшт маҳсулотларини, ёки таомлар ичидаги гўштларни сотувчидан “ҳалолми” деб сўралса кифоя қиладими? Агар ҳалол бўлмаса лекин ҳалол деб сотса, бизга гуноҳи йўқми?
Ва алайкум ассалом! Шариатимизда икки нарсани асосий қоида қилиб олинган.
Биринчиси : Асли ҳаром бўлган нарсани, шаръий йўл билан ҳалол қилинганлиги собит бўлмагунича, у ҳаромлигича қолади. Масалан : Гўшти ейиладиган ҳайвонлар шариатга мувофиқ сўйилмаса, улардаги оқувчи қон чиқиб кетмаганлиги ва Аллоҳнинг исмларидан бирортаси зикр қилгани топилмагани учун у ҳаромлигича қолади. Тасмия айтиб сўйилгани собит бўлгач, ҳалолга ҳукм қилинади.
Иккинчиси : Асли ҳалол бўлган нарсалар бирор йўл билан ҳаром қилинганлиги собит бўлмаса, ҳалоллигича қолади. Валлоҳу аълам.