Менинг иш ҳақим ҳалолми

Мен анча вақт иш қидириб сизнинг дуоларингиз билан бир ташкилотга ишга кирдим. Салкам 5 ойдан буён ушбу жойда ишламоқдаман. Бир оз ишлаб мен ташкилотнинг раҳбари (имзо қўйиш ҳуқуқи билан) бўлдим. Ташкилотимиз асосий ишдан ташқари бошқа корхоналарнинг ҳисоб рақамларидаги пулларни фоиз олиш ҳисобига нақд пул қилиб бериш билан шуғулланишини билдим. Ташкилот эгаси (Учредитель) бир куни иш бўйича шеригим билан суҳбат асносида барча ҳаражатлар, шу жумладан биз ходимларнинг ойлик маошларимиз ҳам ушбу фоиз ҳисобидан эканлиги тўғрисида гапирди. Мен уларга “пулни нақд қилишда фоиз олиш рибо” десам, “ташкилот асосий ишдан эмас шундан яхши фойда олади” деб ўзларини оқлашди. Мен шу кундан бошлаб ҳаловатимни йўқотиб, топаётган пулимнинг ҳалоллигидан шубҳа қилиб қолдим. Илтимос тавсия берсангиз мен ишдан бўшаб кетайми?