Мен Тожикистондан ғоибона шогирдингиз Дилшодбек. Сизнинг Қуръон илмлари китобингизни ўқиш жараёнида Қуръони Каримнинг илмий эъжози ҳақида маълумотга эга бўлдим. Шунингдек, "Тафсири Ҳилол"нинг муқаддимасидан ва "Иймон" китобидан ҳам бу ҳақда маълумот олдим. Сизнинг тавсиянгиз билан таржима қилинган буюк олим Морис Бюкайнинг китобларини ҳам ўқиб чиқдим. Касбим лицей ўқитувчиси бўлганим учун ҳам Қуръон ва суннатдаги илмий мўъжизаларга қизиқишим катта ва уларнинг тарғиб қилиш учун касбим туфайли имкониятим бор. Шунинг учун бу соҳада қайси адабиётлардан фойдаланишни тавсия қиласиз? Ёки сиз ёзган маълумотлар билан кифояланганим маъқулми?
Яқинда бу мавзуда бир китоб ёзиб битирилди. Дуо қилиб турсангиз, Аллоҳ таолонинг ёрдами билан чоп этилиб қолса, барчамиз уни ўқиб фойда оламиз.