Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Намоз ҳақида

06:38 / 03.04.2016 | Saidislom | 969

Ассалому алайкум! Мeн Корeяда ишлайман. Бу eрга кeганимга мана олти ой бўлди Ўзбекистонда ҳам бу ерда ҳам намозларни ўқиб юрибман. Лeкин шом пайитида илож йўқ. Иш жойимда ўқий десам кийимларим ифлос. Шунга қазо қилиб ўқиб олаяпман. Кeйин кeчки 10-11гача ишлаганим учун бамдога ҳам кўпинча ухлаб қоламан. Лeкин қазосини ўқийман. Мен шу ҳолатда қазо қилиб ўқисам гуноҳ бўлмайдими?


«Зикр аҳлидан сўранг» ҳайъати:

Ва алайкум ассалом! Намозни қазо қилиб ўқиш жоиз эмас.

Намоз араб тилида «салот» дейилиб, луғатда «яхшиликка дуо» маъносини англатади. Шариатда эса: такбир ила бошланиб, салом бериш ила тугайдиган, махсус шартлари бор гаплар ва ишлар намоздир. Намоз Исро кечасида, Пайғамбаримиз соллаллоҳу алайҳи васалламнинг ҳижратларидан олдинроқ фарз бўлган.

عَنْ أَنَسٍ رضي الله عنه قَالَ: فُرِضَتْ عَلَى النَّبِيِّ صلي الله عليه وسلم لَيْلَةَ أُسْرِىَ بِهِ الصَّلَوَاتُ خَمْسِينَ، ثُمَّ نُقِصَتْ حَتَّى جُعِلَتْ خَمْسًا، ثُمَّ نُودِيَ: يَا مُحَمَدُ، إِنَّهُ لَا يُبَدَّلُ الْقَوْلُ لَدَيَّ، وَإِنَّ لَكَ بِهَذِهِ الْخَمْسِ خَمْسِينَ. رَوَاهُ الْخَمْسَةُ إِلَّا الْبُخَارِيُّ

Анас розияллоҳу анҳудан ривоят қилинади: «Набий соллаллоҳу алайҳи васаллам Исро қилдирилган кечада эллик вақт намоз фарз қилинди. Сўнгра қисқартирилиб, беш вақтга келтирилди. Кейин эса: «Эй Муҳаммад, албатта, Менинг ҳузуримда гап ўзгартирилмас. Албатта, сенга ушбу бештада элликтанинг (ажри) бор», деб нидо қилинди». Бешовларидан фақат Бухорий ривоят қилмаган. Беш вақт намознинг фарзлиги Қуръонда ҳам, Суннатда ҳам, ижмоъда ҳам қайта-қайта таъкидланган. Аллоҳ таоло Нисо сурасида:

إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا

«Албатта, намоз мўминларга вақти тайин фарз бўлгандир», деган (103-оят). Аллоҳ таоло Баййина сурасида:

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاء وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ

«Ҳолбуки, улар фақат Аллоҳга, динни Унга холис қилган, бошқадан унга бурилган ҳолда ибодат қилишга, намозни тўкис адо этишга, закот беришга буюрилган эдилар, холос. Ана шу тўғри(миллат)нинг динидир», деган (5-оят).

عَنْ عَبْدِ اللهِ بْنِ عُمَرَ رَضِيَ اللهُ عَنْهُمَا قَالَ: قَالَ رَسُولُ اللهِ صلي الله عليه وسلم: "بُنِيَ الْإِسْلَامُ عَلَى خَمْسٍ: شَهَادَةِ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ، وَإِقَامِ الصَّلَاةِ، وَإِيتَاءِ الزَّكَاةِ، وَالْحَجِّ، وَصَوْمِ رَمَضَانَ" رَوَاهُ الْبُخَارِيُّ وَمُسْلِمٌ وَالتِّرْمِذِيُّ وَالنَّسَائِيُّ

Абдуллоҳ ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи васаллам: «Ислом беш нарсага бино қилинган: «Лаа илааҳа иллаллоҳу, Муҳаммадур-Расулуллоҳ», деб шаҳодат келтириш, намозни тўкис адо этиш, закот бериш, ҳаж қилиш ва Рамазон рўзасини тутиш», дедилар». Бухорий, Муслим, Термизий ва Насоий ривоят қилишган. Ислом умматининг барчаси беш вақт намоз фарз эканига доимий равишда ижмоъ қилиб келган. Намоз балоғатга етган ҳар бир мусулмон учун фарзи айндир. Ҳар ким ўзи учун намоз ўқимоғи фарздир. Ким намозни инкор қилса, Исломдан чиқиб, кофир бўлади.(“Кифоя” китобидан). Валлоҳу аълам!

http://savollar.islom.uz/savol/23706 http://savollar.islom.uz/savol/22371 http://savollar.islom.uz/savol/31272 http://savollar.islom.uz/smf/index.php?topic=26951.0 http://savollar.islom.uz/smf/index.php?topic=20762.0

Топ рейтинг www.uz Openstat