Никоҳ ҳақида
17:26 / 11.04.2016 | orif | 3098
Ассалому алайкум! Мен ва аёлим билан никоҳ қурганимиздан кейин намозни ташлаб қўйдик. Бир неча йил ўқимай, ҳозир Аллоҳга тавба қилиб, яна намозни бошладик. Шу ҳолатда биз қайтадан никоҳ ўқитишимиз керакми? Аввал ҳеч қандай талоқ қилмаганман. Қандай ҳолларда никоҳ қайтадан ўқилади?
«Зикр аҳлидан сўранг» ҳайъати:
Ва алайкум ассалом! Қайтадан никоҳ ўқишингиз шарт эмас. Никоҳ асосан боин талоқ қўйилганида, у ҳам уч мартага етмаса, эр-хотиндан бири диндан қайтса, ёки эътиқодга зид бўлган ёки куфр даражасидаги ишни қилса, ёки бирор сўзни айтса ҳам. Бу каби суратларда талоқ тушмасада, лекин никоҳ узилган бўлади. Валлоҳу аълам!
