Ота
07:37 / 07.09.2016 | Bahor | 2780
Ассалому алайкум! Устозлар, мени ота-онам ажрашиб кетишган. Ўшанда опам 5 ёшда мен 2 ёшда эдим, бизни пенсияга чиққан бувам-бувим ва ёш онам вояга етказишган. Отам биз учун ҳеч нима қилмаганлар, жудаям тўқ яхши яшайдилар, катта лавозимларда ишлаганлар. Ҳозирда мен архитектор опам эса инженер бўлиб ишлаймиз. Саволим шуки, отам бизга энди “сизлар менга қарашларинг керак” деб айтмоқдалар. Шу гаплари тўғрими?
«Зикр аҳлидан сўранг» ҳайъати:
Ва алайкум ассалом! Тўғри. Отангиз ўз ҳаққларини адо қилмаган бўлса, Аллоҳ таолога ўзи жавоб беради. Сизлар эса фарзандлик ҳаққини адо қилишингиз шарт. Валлоҳу аълам!
