Ҳадис шарҳи

Ва алайкум ассалом!

عَنْ ابْنِ عَبَّاسٍ رضي الله عنهما عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : إِذَا أَكَلَ أَحَدُكُمْ طَعَامًا فَلَا يَأْكُلْ مِنْ أَعْلَى الصَّحْفَةِ وَلَكِنْ لِيَأْكُلْ مِنْ أَسْفَلِهَا فَإِنَّ الْبَرَكَةَ تَنْزِلُ مِنْ أَعْلَاهَا  روا ه  أبو داود والترمذي  وابن ماجة  وأحمد

Ибн Аббос розияллоҳу анҳумодан ривоят қилинади: "Набий соллаллоҳу алайҳи васаллам : “Қачон бирортангиз таом еса идишни тепаси(таомни ўртаси)дан емасин. Пасти(атрофи)дан есин. Чунки барака тепадан пастка тушиб туради” дедилар". Абу Довуд, Термизий, Ибн Можа ва имом Аҳмадлар ривоят қилишган.

عَنْ وَاثِلَةَ بْنِ الْأَسْقَعِ رضي الله عنه قَالَ أَخَذَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِرَأْسِ الثَّرِيدِ فَقَالَ : ( كُلُوا بِسْمِ اللَّهِ مِنْ حَوَالَيْهَا وَاعْفُوا رَأْسَهَا ؛ فَإِنَّ الْبَرَكَةَ تَأْتِيهَا مِنْ فَوْقِهَا رواه ابن ماجة

Восила ибн Асқоъ розияллоҳу анҳудан ривоят қилинади: "Расулуллоҳ соллаллоҳу алайҳи васаллам Сарид номли таомни ўртасини ушлаб : “Бисмиллоҳ деб атрофидан енглар, ўртасини қолдиринглар. Чунки барака тепасидан пастга тушиб туради” дедилар". Ибн Можа ривояти.

Ушбу ривоятлардан Аллоҳ таоло тарафидан бўладиган барака таомнинг ўртасига тушиб, атрофига ёйилиши бўлади. Набий соллаллоҳу алайҳи васаллам ҳар бир луқмани тушиб турадиган барака билан ейишга чақирдилар ва таомни ўртасини еб, баракани узиб қўйишдан қайтардилар. Валлоҳу аълам!