Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Эркакликка тўғри кeлмас ҳолат

08:08 / 06.10.2016 | Sherzod | 3779

Ассалому алайкум! Азиз устозлар қилётган ишларингиздан Аллоҳ рози бўлсин. Интeрнет тармоғида кўп бўладиган катта муаммо тўғрисида айтмоқчи эдим. Ҳозир баъзи йигитлар ўзини қизлардек қилиб кийиниб, лаб бўяб, қизларнинг қоматидай бўлишни хоҳлашмоқда. Авваллари ишонмасдим, яқинда ўзим кўзим билан кўрдим. Бугун ҳам бир бошқа миллат йигити, лeкин мусулмон экан ўзини шунақа қилиб олиб, яъни қиз боладай кийинган, лаб бўяган, ва сочини аёлларникидек ўстирган ҳолда ва аэрация қилдирган. Унинг “устига масжидга бораман” дeгани одамни асабини бузади. Буларга қарши қандайдир чора кўриш кeракми? Бизларга оятлар ва ҳадислардан ёзинглар, биз шунга ўхшаш воқeаларни кўрганда бу иш тўғри эмаслигини, уни катта ва қаттиқ жазо кутётганини айтсак. Зора Аллоҳнинг иродаси ила иймонга кeлса. Бу ҳолат касалликми, ёки руҳий бузулишими, ёки тарбиянинг бузилишими? Балки бирор витаминни eтишмовчилигими?


«Зикр аҳлидан сўранг» ҳайъати:

Ва алайкум ассалом! Қиёмат куни ҳар бир амал соҳиби, бу дунёда ўша амал билан кўп шуғулланган кишилар сафида бўлади. Муаззинлар алоҳида, рўзадорлар алоҳида, кўп намоз ўқувчилар алоҳида бўлса, судхўрлар алоҳида, зинокорлар алоҳида, ҳаттоки амал қилолмасада кимларгадир ўхшашни чин дилдан истаганлар, ўша муҳаббат қилган кишилар билан бирга бўладилар. Бир ҳадисда Лут алайҳиссаломнинг қавмининг амалини қилувчининг жасади, кўмилган жойида ҳам қолдирмай, ўша қавмга азоб берилган жойга кўчирилиб, ўша азобга дучор бўлган қавм билан бирга тирилишини айтганлар. Яна бир ҳадисларида : عَنْ أَبِي هُرَيْرَةَ  رَضِي اللهُ عَنْهُ قَالَ: لَعَنَ النَّبِيُّ صَلَي الله عَلَيْهِ وَسَلَّم الرَّجُلَ يَلْبَسُ لِبْسَةَ الْمَرْأَةِ، وَالْمَرْأَةَ تَلْبَسُ لِبْسَةَ الرَّجُلِ. رَوَاهُ أَبُو دَاوُدَ وَالنَّسَائِيُّ. وَلِأَبِي دَاوُدَ وَالطَّبَرَانِيِّ: مَنْ تَشَبَّهَ بِقَوْمٍ فَهُوَ مِنْهُمْ Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам аёлларга ўхшаб либос кийган эркакни ва эркакларга ўхшаб либос кийган аёлни лаънатладилар». Абу Довуд ва Насаий ривоят қилганлар. Абу Довуд ва Табароний қилган ривоятда: «Ким бир қавмга тақлид қилса, у ўшалардандир», дейилган. Устозимиз раҳимаҳуллоҳ ушбу ҳадиснинг шарҳида қуйидагиларни ёзганлар : Ўз қавми, ўз дини ва урф-одати туриб, бошқаларнинг турмуш тарзини, кийиниш ва ҳаётдаги бошқа нарсаларини устун қўйиб, жон-жаҳди билан уларга ўхшашга ҳаракат қилиш одамга ўз таъсирини ўтказмай қолмайди. Ўша одам «ҳар кимга ниятига яраша» қоидасига биноан ўзи тақлид қилган қавмдан бўлади. Кофирларга ўхшашни орзу қилиб уринган бўлса, кофирлардан бўлади. Фожирларга ўхшашга ҳаракат қилган бўлса, фожир бўлади ва ҳоказо... Ислом уммати Аллоҳ таоло юборган таълимотларнинг энг мукаммалига, ҳар бир замон ва ҳар бир маконга муносиб таълимотга раво кўрилган умматдир. Аллоҳ таоло бу умматни бошқа барча умматлар устидан шоҳид қилиб қўйгандир. Аллоҳ таоло бу умматга ҳар бир нарсада ўзига хосликни бериб қўйгандир. Шунинг учун ҳам бу умматга ўзидан бошқаларга ўхшашга ҳаракат қилиш, ўзига Аллоҳ таоло осмондан тушириб берган нарсани қўйиб, бошқа миллатлар ердан чиқарган нарсаларга ҳавас қилиш мутлақо тўғри келмайди. Кўриб турибмизки, бунда фақат кийим ҳақида эмас, балки умуман ташқи қиёфани қандай тутиш кераклиги ҳақида ҳам сўз кетмоқда. Соқол-мўйлабни қандай қўйишдан тортиб ҳаром тукларни қиришгача, улама сочдан тортиб, тирноқни олишгача сўз юритилмоқда. Демак, ташқи қиёфа маданиятида ҳам ҳар ким ўзлигини унутмаслиги керак. Эркак киши эркаклигини, аёл киши аёллигини. Мусулмон мусулмонлигини. Эркаклар аёлларни бошқалардан ажратиб турадиган, уларнинг аёллигини билдирувчи белги, аломат бўлган кийимларни киймаслиги, аёлларга хос бўлган ташқи қиёфа маданиятини ўзига раво кўрмаслиги керак. Худди шунингдек, мусулмонлар бошқа миллатларга хос бўлган, уларни мусулмонлардан ажратиб турадиган нарсаларда уларга тақлид қилмасликлари лозим. (“Ҳадис ва Ҳаёт” китобидан). Валлоҳу аълам!

Топ рейтинг www.uz Openstat