Эрим ташлаб кетди, ўз хоҳишимга кўра ажрашсам бўладими?

Ассалому алайкум! Турмуш ўртоғим билан бир ярим йил аввал оилавий етишмовчилик сабаб жанжаллашиб қолган эдик. Ишламас эдилар, мени топганим рўзғорга, икки нафар боламнинг еб-ичишию кийим-бошига етмайди. Улар уйда ётиб, топканимни еб-ичиб ётаверар, қайнонамга айтсам ўғилларининг ёнларини олиб “эрини боққан битта сенми, нима бўпти боқасан-да, буни уйида яшаяпсан-ку” деб дағдаға билан ўғлини ўз уйларига олиб кетдилар. Шу билан қайтганлари йўқ. Хотини, фарзандларига меҳри бўлмаса, виждон, иймондан хабари бўлмаса, ҳатто номоз ўқишимга қарши бўлса. Бир жойда ўқигандим: эркак аёлидан тўрт ойдан зиёд хабар олмаса аёлнинг ажрашишга хаққи бор, деб ёзилибди. Қариндошларим ажрашишимга қарши. Ўз истагим билан ажрашсам бўладими? Ҳаққим борми?