Фузайл ибн Иёз қароқчи бўлганми?
Ассалому алайкум! 1. Эшитишимча Фузайл ибн Иёз авваллари қароқчи бўлган эканлар. Шу ростми? 2. Ҳиндистонлик Таҳонавий ҳақларида нима дейсиз? У зот ким бўлган? 3. Ибн Ҳазм ким бўлганлар? 4. Заиф ҳадисни зикр қилганда пайғамбаримиз айтдилар, қилдилар деб эмас, айтишларича ва қилишларича деб айтиш керак экан. Бунга нима дейсиз? Ҳақиқатдан ҳам шундайми?
– Ва алайкум ассалом! 1. Рост.
2. Биз билган Таҳонавийлар иккита. Бирлари Ашраф Али Таҳонавий бўлиб у киши 1280 ҳижрий йилда туғилганлар ва Ҳакиймул Умма деган лақабни олганлар. У киши турли соҳаларда беш юздан ортиқ китоб ёзганлар. Иккинчилари Зафар Аҳмад Усмоний Таҳонавий бўлиб, аввалги зотнинг жиянлари бўлган ва ҳозирги кунда машҳур бўлган «Эълоус сунан» китобини таълиф қилганлар.
3. Ибн Ҳазм Андалусда яшаб ўтган, заҳирий мазҳабнинг йирик номояндасидир. У кишининг энг машҳур асари «Муҳалло» деб аталади.
4. Бундай гапдан менинг хабарим йўқ.
