Қарз олиб ортиқчаси билан қайтариш
15:27 / 11.02.2019 | Husan | 1965
Ассалому алайкум! Устоз бир толиби илм айттики фақат холис Аллоҳ учун қарз берган бўлса кейин қарзини бераётган одам рахмат сизга анча ишимми енгиллатиб бердиз дип совға сифатида нарса берса олса бўлади деди ва бунга далил қиб бир аробий Пайғамбаримиз алайҳиссаломни ёнларига келиб дағаллик билан қарзингни бер дипти шунда Пайғамбаримиз алайҳиссалом сахобаларга худди шунга ўхшаш туя беринглар деганида унақаси ёқ экан фақат ундан яхшироги бор экан шунда Пайғамбаримиз алайҳиссалом яхшисини беринглар биз яхшироқ қиб қайтариб беришга хақлимиз деган эканлар шуни қандай чунсак тогри болади Аллоҳ рози болсин
«Зикр аҳлидан сўранг» ҳайъати:
- Ва алайкум ассалом! Аввалида кўпайтириб беришни келишмаган бўлса ёки қарз берувчи одатда фоизга пул берадиган судхўр бўлмаса жоиз.
القرض جائز بالسنة والإجماع، فإن النبي صَلَّى اللهُ عَلَيْهِ وَسَلَّمَ استقرض بكراً من الإبل، ورد جملاً خياراً، وقال:« إن من خير الناس أحسنهم قضاء» رواه البخاري
Қарз бериш суннат ва ижмоъ билан собит бўлган, чунки Набий соллаллоҳу алайҳи васаллам урғочи туяни қарзга олиб, эвазига яхши эркак туя берганлар ва «Одамларнинг яхшиси қарзини чиройли тарзда адо қилувчисидир», деганлар. Валлоҳу аълам!
