Ўз қизиқишим
08:29 / 12.02.2019 | Elnur | 1675
Ассалому алайкум! Ҳурматли устозлар, мен ҳозир университетда иккинчи курс талабасиман, икки йилдан бери турли хил қўшимча компютер бўйича курсларга бораман. Ўқишга топширмоқчи бўлганимда ҳам ушбу йўналишни танлаганман. Олдин ушбу компютер дастурлаш йўналишларига қизиқишим катта эди. Лекин ҳозир бу қизиқиш менда умуман қолмаган. Ҳозир нимага қизиқаман нима қилсам менга мақул бўлади, умуман олганда ўзим тушунмайдиган холатга тушиб қолганман. Мен келажакда ушбу танлаган сохам бойича кетишни хохлайман. Қандай қилиб ўз холатимга қайтсам бўлади? Ўша иштиёқни қандай қилиб тикласам бўлади?
«Зикр аҳлидан сўранг» ҳайъати:
- Ва алайкум ассалом! Сиз бунинг учун бу соҳа орқали аввало ўз яшашингизга, халқимизга хизмат қилишга, динга хизмат қилиб қандай савоб олишга эришиш ҳақида изланиш қилинг. Чунки бу соҳа бошқа мамлакатларга нисбатан бизда анча орқадалиги ҳаммага маълум. Шу ниятларни қилиб ҳаракат қилсангиз ҳар бир қилган ҳаракатингиз ибодат ҳисобланади. Албатта фарзи айн бўлган ибодатлар қолиб кетмаслик шарти билан. Валлоҳу аълам!
