Тиш олдирилган вақтида намоз ўқиш
21:26 / 20.02.2019 | Ilhom | 3867
Ассалому алайкум! Ишдан кейин тиш шифокорида тишимни олдирган эдим. Табиийки ўрни қонаб турди. Бу вақтда таҳорат олган билан тупук ранги қизғиш бўлса бузилишини ўқигандим. Шу вақтда қандай йўл тутиш мумкин? Бу аҳволда таҳорат ололмадим ва хуфтон намозини ўқий олмадим. Шу қазо бўлган намозимни эртаси куни ёки қон сизиб чиқиши буткул тўхтагач ўқиб олсам бўладими? Эртаси куни қон сизиб чиқиши давом этсачи? Намозларимни қандай ўқишим мумкин?
«Зикр аҳлидан сўранг» ҳайъати:
- Ва алайкум ассалом! Қонаб турса ҳам таҳорат олиб ўқийверасиз. Саҳобалар жароҳатларидан қон оқиб турганида ҳам намоз ўқиганлар. Ҳар намозга таҳорат оласиз. Валлоҳу аълам!
