Муқтадийни салом бериш тартиби
Ассалому алайкум! Мен бир холатга ойдинлик киритиб беришларингизни истардим. Имомга иқтидо қилган намозхон имом икки тамонга тўлиқ салом бериб намозни тугатгандан кейин, муқтадийнинг ундан кейин икки тамонга салом бериши тўғрими ёки намоз бузилишига сабаб бўладими?
– Ва алайкум ассалом! Намоз бузилмайди. Афзали имом ўнг тарафга салом бергач муқтадий ҳам ўнг тарафга салом беришидир.
قال الفقيه أبو جعفر المختار أن ينتظر إذا سلم الإمام عن يمينه يسلم المقتدي عن يمينه وإذا فرغ عن يساره يسلم المقتدي عن يساره. كذا في فتاوى قاضي خان
Фақиҳ Абу Жаъфар айтади: Мухтор қавл шуки, муқтадий имомни кутиб туради. Имом ўнг тарафига салом бергач муқтадий ҳам ўнг томонга салом беради. Имом чап тарафга салом бериб бўлгач муқтадий ҳам чап томонга салом беради. Фатовои Қозихонда шундай дейилган. (Фатавои Ҳиндия). Валлоҳу аълам!
