Оила қуриш ёшга боғлиқми?
00:00 / 25.05.2007 | eski savollar | 2710
Муҳтарам Шайх Ҳазратлари аввало сизнинг саволларимизга азиз вақтингизни аямай бераётган жавобларингиз учун минг бор ташаккур. Хайрли ишларингизда Аллоҳнинг ўзи ёр бўлсин! Сизга бир неча савол билан мурожаат қилмоқчи эдим. Биринчи саволим: Мен бир қизни учратиб қолдим. У жуда ҳам одобли, аҳлоқли, исломий тарбия кўрган қиз. Лекин ёшимиз баробар. Онамлар эса ёшимиз баробарлиги туфайли менга рад жавоб бермоқдалар. Ҳар қанча уринсам ҳам йўқ деб туриб олганлар. Айтингчи, бундай вазиятда мен қандай йўл тутай? Онамнинг розиликларини истаб қиз билан алоқани узайми ёки бошқа йўли борми? Шу ҳақда Ислом нима дейди. Ёшнинг оила қуришга таъсири борми? Илтимос ўз маслаҳатингизни берсангиз. Иккинчи саволим: Ҳозирги кунда келинга бериладиган махр пулининг энг оз миқдори қанча? Жавобларингиз учун раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
- Онангизни розилиги ила ўша қизга уйланишнинг йўлини топишда давом этинг.- Закот нисобининг йигирмадан бири.
