Ёсин сурасини унинг таржимасини билмасдан ўқиш
Олдинлари мен “Ёсин” сурасини марҳумлар руҳига дуо қилишда савоби кўплиги, уни кечаси ўқиб ухлаган киши эртаси гуноҳлардан покланиб уйғониши ва ҳоказо хусусиятлари учун ўқиб юрар эдим. Сўнгра, “Муқаддас ойлар ва мустажоб дуолар” деган китобда дуо қилишнинг одоблари деган мавзусида “маъносини билмайдиган дуони қилмаслик” ҳақида ўқиб қолдим. Мен араб тилини тушунмайман, демак уни шунчаки тушунмасдан ўқишдан менга ўша ваъда қилинган хусусиятлар рўй бермайдими?
Хусусан, уни ўқиса Қуръони Каримни 40 марта хатм қилганчалик бўлади деб ўқигандим. Демак, мени ҳолатимда бунақа бўлмайдими?
- Мазкур китоб турли заиф гапларга кон. Албатта, дуони маъноларини билиб қилган яхши. Аммо Қуръони Карим сура ва оятларини маъносини билмаса, ўқимасин деган гап йўқ. Қуръони Каримнинг маъносини билсаю, билмаса, ҳар бир ҳарфига савоб бўлади.
