Вафот этган киши рўзасининг каффорати
07:39 / 07.11.2014 | Abduqodir Hamroqulov | 3698
Ассалому алайкум, ҳурматли Шайх Ҳазратлари! Онам рамазон ойининг ўрталарида оғир касалга дучор бўлиб, 2 ойдан сўнг вафот этдилар. Аллоҳим онамни раҳматига олган бўлсин. Бу йилги рамазон ойидан 16 кун қазоларини тутолмадилар ва яна олдинги қазоларини суриштирсам деярли қазолари жуда оз экан. Онамнинг рўзасини каффоратини мен тўласам бўладими? Агар иложи бўлса қандай қилиб тўлайман? Илтимос онамни Аллоҳим жаннат аҳилларидан қилишини сўраб, онамнинг ҳаққига дуо қилиб қўйинг.
Шайх Муҳаммад Содиқ Муҳаммад Юсуф роҳимаҳуллоҳ:
Аллоҳ таоло онангизни раҳмат айласин. У кишининг қазо рўзаларининг каффоротини берсангиз бўлади. Фидя ва каффоротнинг миқдори бир кунлик намоз учун ярим соъ буғдой (1087,5 гр) ёки унинг қиймати. Бир кунлик рўза учун ҳам шунча бўлади.
