Ширк кечириладими

Ассалому алайкум! Мен ушбу сайта кириб ширк ҳақида ўқиганимдан бери қўрқиб кетяпман. Мен зино қилиб қўйгандим, ўшандан сўнг бошимга кулфатлар ёғила бошлади. Ачинарлиси, зинони аввал қилгандим ўшанда тавба қилгандим. Кейин нафсим бузуқлик қилиб яна зино қилдим. Бошимга кулфат келганда бирин-кетин куфр, ширк, такфир амалларини қилиб қўйган эканман. Дўстимни айблаб ташладим, ваҳоланки у менга яхшилик қилмоқчи бўлган экан. Ҳамма ишни қилиб қўйгандим сўнг кўнглимга шундай бир нарсалар келдики уни айтишга ботинолмайман. Шайтон алайхилана бошқарувида шунча ишлар қилиб ташлабман. Қалбим оғриб кетяпти. Ҳозирда қилган амалларим учун тавба қиляпман. Рўза тутяпман. Таҳажжуд намозларини ўқиб, Аллоҳдан ҳидоятга солишини сўраяпман. Кўп жойларда ширк кечирилади дегансиз. Бошқа саволларга ширк кечирилади дегансиз. Хорижий сайтларда ўқисам ҳам бир жойда кечирилади, бошқа жойда кечирилмайди дейилган. Адашиб қолдим нима қилишни билмаяпман. Ҳамма айб ўзимда эканлигини ҳам биляпман. Гоҳида мен ҳам “шунча ишдан сўнг мусулмонманми?” деб ўйлаб қоламан. “Сен тамом бўлиб бўлдинг энди фойдаси йўқ” деган хаёл ҳам келяпти. Намоз ўқимасам бошим оғридиган бўлиб қолди. Намоз ўқисам йиғлаб юборяпман. Адашиб қолдим, ношукурлик қилиб қўйдим, ўз диним билан ўйнашдим.