Эхромдаги тавоф

Ассалому алайкум! Биз Аллоҳ насиб этиб, умра сафарига тижорат йули билан бордик. Маккага етиб, Ҳарамга кириб бошловчимиз айтгандек ибодатларни бошладик. У бизга эхром билан Каъбани, Хажарул асвадни истилом қилмасликни айтди. Нега деб сўрасак, хозир замонда унга атир сепилади, эхромдаги одамга мумкин эмас, қурбонлик вожиб бўлиб қолади деб айтди. Мен ўқиган китобларимда ундай сўзларни кўрмаганим учун иккиланиб қолдим. Балки янги фатволарданмикин деб. Ҳурматли устозлар, сизлардан шу масалага ойдинлик киритиб беришларингизни илтимос қиламан. Токи бошқа биродарларимиз хам иккиланишмай аниқ билиб олишсин. Жавобингиз учун олдиндан раҳмат!