Билишим зарур бўлган саволлар
17:29 / 06.08.2019 | Baxshullo | 2017
Ассалому алайкум! Биламизки 1Х Бет интернет ўйини бор. У ўйинда футбол жамоаларига пул тикилади. Ютсайиз пулиз икки баровар бўлиб қайтади. Ман ҳозир шунга қизиқаяпман. Агар мен ҳам ўйнасам гуноҳкор бўлмайманми? Ҳозир ноиложман. Пулга муҳтожман. Репититорга бориб ўқишга кириш учун тайёрланишим керак. Ишлай десам ўқишим қолиб кетади. Ишламай десам ўқишга тайёрлана олмайман, мажбурман. Ота-онам пенсионер, оилада ёлғиз ўғилман. Ёшим 16да, мажбурман. Манга роппа роса 5 миллион сўм керак. Яқин қариндошларим беришмайди барибир. Шу ҳолатда 5 миллион ишлаб олгунча шу ўйинни ўйнаб пул ишласам бўладими? Ўқишга кириб ота онамни боқишим керак. Шу ишлардан кейин тавба қилиб ночорларга ўша пулдан ортиб қолса хайр эҳсон қилайчи? Бўласмикан?
2). Биламизки тушда эҳтилом бўлиб қолиш ёки шаҳват қўзиганда маний чиқади. Шу маний ич кийимга барибир тегади. Манда ҳам шу аҳвол кўп бўлади. Ич кийимимни ювсам оқ доғи умуман кетмаяпти. Тез тез алмаштириб турибман. Ич кийимда барибир манийни доғи қолса, ўша кийим билан намоз ўқиб Қуръон ўқиса бўладими?
«Зикр аҳлидан сўранг» ҳайъати:
– Ва алайкум ассалом! 1). Унга пул тикиш очиқ-ойдин ҳаромдир. Ҳаромни савоб умидида эҳсон қилиш Аллоҳ таолога ўшанча нажосатни тақдим қилиш билан бир хил бўлади. Отангизга бир идишга бавл қилиб буни ичинг деб бердингиз нимаю, ҳаромдан топиб эҳсон қилдингиз нима? Бу иккисини ҳам ҳеч қандай фарқи йўқ.
2). Сиз интернетда узоқлашиб кўпроқ китоб ўқинг. Валлоҳу аълам!
